Quba-Xaçmaz yolunda ciddi təhlükə yaranıb.
Shimal.News xəbər verir ki, asfalt yolun nişanlama xətləri silinib, bu isə sürücüləri çaşdırır.
Yolun ortasında düz və qırıq-qırıq xətlər görünmür. Həmçinin yolun kənarında sarı xətlər də yoxdur. Bu vəziyyət, xüsusilə Quba rayonunda tez-tez rast gəlinən dumanlı havalarda daha da təhlükəlidir. Dumanlı havada yoldakı xətlər sürücülər üçün istiqamət və təhlükəsizlik təmin edir.
Sürücülər bildirir ki, ən qısa zamanda yolda təmir işlərinin aparılmasına və xətlərin bərpa edilməsinə ehtiyac var.
