Cari tədris ilində Quba-Xaçmaz Regional Təhsil İdarəsinin tabeliyində fəaliyyət göstərən ümumtəhsil müəssisələrində məktəbəhazırlıq qrupları təşkil edilib.
Shimal.News məlumat verir ki, məşğələlərə ümumilikdə 5546 uşaq cəlb olunub. Onlardan 1658 nəfər Qubadan, 998 nəfər Qusardan, 1908 nəfər Xaçmazdan, 577 nəfər Şabrandan və 405 nəfər Siyəzəndəndir.
Dərslər həftədə 4 gün olmaqla 12 dərs saatını təşkil edir. Burada ətraf aləmlə tanışlıq, savad təliminə hazırlıq və nitq inkişafı, məntiqi və riyazi təfəkkür, təsviri fəaliyyət, musiqi və fiziki mədəniyyət istiqamətlərində bilik və bacarıqlar inkişaf etdirilir.
