Quba-Xaçmaz Regional Təhsil İdarəsi Respublika fənn olimpiadalarının yarımfinal mərhələsinin qalibləri ilə görüş keçirib. Bu barədə ShimalNews 29 mart tarixində adı çəkilən idarəyə istinadən xəbər verir.
Tədbirdə RTİ-nin əməkdaşları, olimpiadanın yarımfinal mərhələsində uğur qazanmış şagirdlər, onların valideynləri və məktəb direktorları iştirak ediblər.
Tədrisin keyfiyyəti sektorunun müdiri Qələmşah Dostuyev çıxışında şagirdlər arasında keçirilən olimpiadaların əhəmiyyətindən danışıb. Final mərhələyə vəsiqə qazanan şagirdlərə uğurlar arzu edilib, onların fənn müəllimlərinə və valideynlərinə təşəkkür bildirilib.
