Dekabrın 27-də Quba-Xaçmaz Regional Təhsil İdarəsi tərəfindən eksternat qaydasında aralıq imtahanları təşkil olunacaq. Bu barədə ShimalNews 22 dekabr tarixində təhsil idarəsinə istinadən məlumat verir.
İmtahanlar Xaçmaz şəhəri 6 nömrəli tam orta məktəbində saat 15:00-da başlayacaq. İştirakçıların müəyyən olunmuş vaxtdan 1 saat əvvəl məkanda olmaları və şəxsiyyəti təsdiq edən sənədin əslini gətirmələri vacibdir.
Eksternat (sərbəst) təhsilalma forması müxtəlif səbəblərdən ümumi orta və tam orta təhsilini başa vura bilməyən şəxslər üçündür. Onlar həmin ixtisasda buraxılış imtahanı verib müvafiq təhsil sənədi ala bilərlər.
Burada uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququ qazanacaqlar.
