Quba rayonu ərazisindən çınqıl-qum qarışığının qanunsuz daşınması faktları aşkar olunub. Bu haqda ShimalNews 7 mart tarixində məlumat verir.
Dövlət Ekoloji Təhlükəsizlik Xidmətinin əməkdaşları tərəfindən müəyyən edilib ki, Qudyalçay çayının Vladimirovka kəndi ərazisindən keçən hissəsindən “Aston” MMC, Qaraçay çayının Qaraçay kəndi ərazisindən keçən hissəsindən isə ərazidə fəaliyyət göstərən karxana tərəfindən çınqıl-qum qarışığı qanunsuz daşınıb.
Faktlarla bağlı “Aston” MMC-nin iş icraçısı Azər Məmmədov və karxananın iş icraçısı Aqşin Balaqayev barəsində akt, protokol tərtib edilib və qanunamüvafiq tədbir görülüb.
