Quba şəhəri və Xaçmaz rayonunun Köhnə Xaçmaz və Gülalan kəndlərində yaşayan balacaları sevindirmək üçün “ASAN Məktub” layihəsi həyata keçirilib. Bu barədə ShimalNews 30 dekabr tarixində məlumat verir.
Uşaqlar “ASAN Məktub”la arzularını Şaxta babaya ünvanlayıblar. “TuranBank” ASC isə onların istəklərini yerinə yetirmək üçün köməklik göstərib.
“ASAN Məktub” layihəsi “Sevinc paylaşdıqca çoxalır” prinsipinə əsaslanaraq, arzu və xəyalları gerçəkləşdirir. Onun məqsədi qədim xeyirxahlıq ənənələrinə malik olan ölkəmizdə əvəzsiz bir sosial fəaliyyətin başlanğıcını qoymaq, heç bir maddi qazanc güdmədən uşaqlara sevinc yaşatmaq, üzlərinin gülməsinə səbəb olmaqdır. Hədəf isə respublika ərazisində yaşayan uşaq evlərinin, aztəminatlı ailələrin və kənardan qulluğa ehtiyacı olan uşaqların arzuları həyata keçirməkdir.
