Quba DMT-nin əməkdaşları tərəfindən Quba və Qusar rayonlarında yerləşən peşə liseylərində görüş keçirilib. Bu barədə ShimalNews 21 fevral tarixində Destinasiya Menecmenti Təşkilatına (DMT) istinadən məlumat verir.
Turizm ixtisası və aşpazlıq üzrə təhsil alan tələbələr üçün “Quba və Qusarın mətbəx nümunələri” adlı təqdimat təşkil olunub. Görüşdə rayonların tanınmış və yerli əhali tərəfindən ən çox hazırlanan mətbəx nümunələri təqdim olunub və təlimçi tərəfindən onların tərkibi və hazırlanma üsulu haqqında məlumat verilib.
Görüşdə ümumilikdə Quba Peşə Liseyindən 30, Qusar Peşə Liseyindən 40 tələbə iştirak edib.
