Qubada “Mənim hüquqlarım” təşviqat avtobusu layihəsi çərçivəsində növbəti səfər Qubada təşkil olunub. Bu haqda ShimalNews 16 iyul tarixində məlumat verir.
Rayon İcra Hakimiyyətinin dəstəyi ilə Qımılqazma, Rustov, Püstəqasım, Təngəaltı və Birinci Nügədi kəndlərində 125 uşağın iştirakı ilə “Uşaq hüquqları” və “Nitq mədəniyyəti, natiqlik sənəti” mövzularında təlimlər keçirilib. Təlimlər Dövlət Komitəsinin Uşaq məsələləri şöbəsinin əməkdaşı Bahar Həsənli və “Azərbaycan Uşaqlarının İnkişaf Platforması” İctimai Birliyinin sədr müavini Əsmər İsmayılova, baş katibi Ramiq Cəbiyev, üzvü Rüfət Məmmədov, həmçinin Uşaq Səfirlər Məclisinin üzvü Məryəm Hacıyeva tərəfindən müxtəlif qrup işləri, interaktiv oyunlar təşkil olunub, müzakirələr aparılıb.
Növbəti səfərlər Ağdam və Qax rayonlarına olacaq.
