Quba Regional QHT-lərin Təlim Resurs Mərkəzində ictimai müzakirə keçirilib. Bu haqda ShimalNews 15 iyul tarixində məlumat verir.
İctimai müzakirə “Azərbaycanın tolerantlıq və multikulturalizm ənənəsi” adlı layihəsi çərçivəsində baş tutub.Tədbirdə publisist və araşdırmaçı jurnalist Rəsul Mirhəşimli mövzu ilə bağlı geniş məruzə edib. Mirhəşimli çıxışında bildirib ki, tarix boyu yer üzünün hər bölgəsində müxtəlif mədəniyyətlər mövcud olub, bu mədəniyyətlər bir-biri ilə sosial və qarşılıqlı anlaşma baxımından əlaqələr qurub.
Tədbir iştirakçısı Xeyriyyə Bayraqdarova çıxışında Qubanın Vladimirovka kəndində yaşadığını, milliyyətcə ahıska türkü olduğunu bildirib. Onun dediyinə görə, tarix boyu dünyanın ən tolerant ölkəsi kimi tanınan Azərbaycanın yüksək tolerantlıq ənənələri digər ölkələr üçün örnək ola bilər.
