Qubalı tələbələr mükafatlandırılıblar. Bu barədə ShimalNews fevralın 3-də ADPU-nun Quba filialına istinadən məlumat verir.
Təltifetmə mərasimi “Heydər Əliyev və Azərbaycan gəncliyi” mövzusunda baş tutan tədbirdə keçirilib. Ayrı-ayrı sahələr üzrə fərqlənmiş bir qrup gəncə, eləcə də bir qrup şəhid ailəsi üzvünə və Vətən müharibəsi qazilərinə Quba Rayon İcra Hakimiyyətinin, YAP Quba rayon təşkilatının, Quba Rayon Gənclər və İdman İdarəsinin, Səfərbərlik və Hərbi Xidmətə Çağırış üzrə Dövlət Xidmətinin Quba rayon şöbəsinin fəxri fərmanları və hədiyyələr təqdim edilib.
2 Fevral - Azərbaycan Gəncləri Gününə həsr olunan toplantı Quba RİH-nin, YAP Quba rayon təşkilatının, Quba Rayon Gİİ-nin, Səfərbərlik və Hərbi Xidmətə Çağırış üzrə Dövlət Xidmətinin Quba rayon şöbəsinin birgə təşkilatçılığı ilə həyata keçirilib.
