Qubada “Soyqırımı və insanlığa qarşı törədilmiş cinayətlər” mövzusunda elmi konfrans keçirilib. Bu haqda 29 mart tarixində Shimal.news sosial şəbəkələrə istinadən xəbər verir.
Tədbir iştirakçıları Soyqırımı abidəsini ziyarət edərək, 1918-ci ildə qətlə yetirilmiş insanların xatirəsinə ucaldılmış abidənin üzərinə gül dəstələri düzüblər. Konfransı giriş sözü ilə açan Memorial Kompleksin direktoru, dr. Rəxşəndə Bayramova XX əsrin əvvəllərində erməni daşnakları tərəfindən Azərbaycan ərazilərində soyqırımların törədildiyi, on minlərlə günahsız dinc əhalinin qətlə yetirildiyi haqda danışıb.
Kompleksin və “ASAN xidmət” mərkəzinin əməkdaşlarının çıxışları ilə davam edən tədbirin sonunda qonaqlar soyqırımı hadisələri ilə bağlı kitab və bukletlərdən ibarət sərgi ilə tanış olublar.
