Havanın qarlı olmasına baxmayaraq, günorta saatlarından etibarən yüzlərlə vətəndaş Quba Soyqırımı Memorial Kompleksinə axın edir. Bu barədə ShimalNews 31 mart tarixində xəbər verir.
Burada rayon rəhbərliyi, Milli Məclisin deputatları, hüqüq-mühafizə orqanlarının əməkdaşları, ziyalılar, pedaqoji kollektivlər və məktəblilər, ictimaiyyət nümayəndələri, şəhid ailələri, eləcə də digər rayonlardan olan ziyarətçilər iştirak edirlər.
Onlar kompleksdə soyqırım xatirəsinə ucaldılmış abidələri ziyarət edərək önünə gül dəstələri düzürlər. Qurbanların xatirəsi yad edilir, ruhlarına dualar oxunur.
