Quba Soyqırımı Memorial Kompleksinə ziyarətçilərin axını başlayıb. Bu haqda 30 mart tarixində Shimal.news Report-a istinadən xəbər verir.
Soyqırımının 105-ci ildönümü ərəfəsində kompleksi rayon sakinləri ilə yanaşı, ətraf ərazilərdən gələn qonaqlar da ziyarət edirlər. Bələdçilər qonaqları ermənilərin törətdikləri soyqırımı haqqında ətraflı məlumatlandırırlar.
Quba Soyqırımı Memorial Kompleksi – 1918-ci ildə bolşevik-erməni silahlı dəstələrinin Azərbaycan torpaqlarında həyata keçirdikləri kütləvi qırğınlar nəticəsində həlak olan on minlərlə azərbaycanlının xatirəsinə ucaldılıb və Heydər Əliyev Fondunun dəstəyi ilə 2013-cü il sentyabrın 18-də açılıb.
