Quba Soyqırımı Memorial Kompleksində təmir-bərpa işləri yenidən gecikir. On iki il əvvəl istifadəyə verilən bu mühüm tarixi-mədəniyyət abidəsi hazırda baxımsız vəziyyətdədir.
Müasir Azərbaycanın qan yaddaşını əks etdirən Quba Soyqırımı Memorial Kompleksində vəziyyət illərdir dəyişmir. Rəsmi qurumlar bərpa ilə bağlı vədlər versələr də, real işlərə hələ də başlanmayıb.
Kompleksin muzey hissəsində divarlar yağış sularının damması səbəbindən ciddi şəkildə zədələnib. Çöldən sızan su divarların daxili hissələrini qaraldaraq bərbad hala salıb. Xarici görünüş də ürəkaçan deyil. Muzeyin çıxış hissəsindəki aralanmış beton divar dərhal diqqəti cəlb edir. Pilləkənlərdəki çatlar və sınmalar isə aydın şəkildə görünür.
Çöl divarlarında iri çatların və qopmaların olması təhlükəsizlik baxımından ciddi narahatlıq yaradır. Pilləkənlərdəki zədələnmələr isə hər gün minlərlə turistin istifadə etdiyi bu ərazidə böyük risk deməkdir.
Bir sözlə, problemlər hələ də olduğu kimi qalır.
Ətraflı Bizim.media-nın videomaterialında:
