Qubanın Ağbil kəndi ərazisində 21.000 manatlıq metal oğurlayan şəxslər tutulublar. Bu haqda ShimalNews 22 fevral tarixində DİN-in mətbuat xidmətinə istinadən məlumat verir.
Məlumata görə, hadisə köhnə sənaye obyektində baş verib. Polis əməkdaşları əməliyyat-axtarış tədbirləri keçiriblər. Nəticədə oğurluğu etməkdə şübhəli bilinən rayon sakinləri Nihad Babayev, Ruslan Əhmədov və Tahir Ələddinov saxlanılıblar. Onlar törətdikləri əməli etiraf ediblər.
Oğurlanan məhsulların siyahısında 17.000 manat dəyərində alüminium, 3.000 manat dəyərində 2 ədəd mühərrik və 920 manat dəyərində dəmir-metal avadanlığı var.
Məhkəmənin qərarı ilə həmin şəxslər barəsində həbs qətimkan tədbiri seçilib.
