Bakı Metropolitenin “İnşaatçılar” stansiyasında gənc xanıma qarşı əxlaqsız hərəkətlər edən şəxs həbs edilib.
Shimal.News xəbər verir ki, hadisə “28 May” stansiyasında baş verib. Qadın qatardan enəndən dərhal sonra səs-küy salıb. O, vaqonda olan şəxsin ona qarşı nəlayiq hərəkətlər etdiyini bildirib.
Qadın və əməli törədən 30 yaşlı Quba rayon sakin S.Babayev polis şöbəsinə dəvət ediliblər. İş məhkəmədə araşdırılıb.
Zərərçəkən bildirib ki, qatarda onu bədəninə bir neçə dəfə əli ilə qəsdən toxunan kişinin cəzalandırmasını tələb edir. S.Babayev törətdiyi əməli etiraf edərək peşman olduğunu deyib.
Məhkəmənin qərarı ilə Quba sakininə 10 sutka inzibati həbs cəzası verilib.
