Bu gün şəhid Bədəlov Səhmanın dünyaya göz açdığı gündür.
Shimal.News xəbər verir ki, Səhman Bəhmən oğlu Bədəlov 2001-ci il avqustun 14-də Quba rayonunun Nügədi kəndində anadan olub.
2020-ci il sentyabrın 27-də başlayan Vətən müharibəsində Azərbaycan Ordusunun əsgəri kimi Füzulinin azadlığı uğrunda gedən döyüşlərdə iştirak edib. Oktyabrın 1-də Füzuli döyüşləri zamanı qəhrəmancasına şəhid olub.
O, ölümündən sonra "Vətən uğrunda", "Füzulinin azad olunmasına görə" və "İgidliyə görə" medalı ilə təltif edilib.
Qeyd edək ki, bu gün şəhidin xatirəsini yad etmək üçün saat 12.00-da kənd qəbirstanlığında məzarı ziyarət ediləcək.
