“İnşallah, Allahın köməkliyi ilə yay aylarında birdəfəlik gələcəm. Artıq problem olmayacaq".
Shimal.News xəbər verir ki, bu sözləri şəhid Tapdıq Bayramov yaxınlarına göndərdiyi son səs yazılarında deyib.
Tapdıq Namiq oğlu Bayramov 1998-ci il oktyabrın 31-də Quba rayonu, Qonaqkənd qəsəbəsində anadan olub.
O, orta təhsilini Aslan Aslanov adına Qonaqkənd orta məktəbində alıb.
Leytenant Tapdıq Bayramov 2023-cü il sentyabrın 19-da Azərbaycan Ordusunun başlatdığı antiterror əməliyyatı zamanı şəhid olub.
O, ölümündən sonra "Vətən uğrunda” medalı və 3-cü dərəcəli “Vətənə xidmətə görə” ordeni ilə təltif edilib.
Ata-anası həyatda olmayan şəhid Quba Şəhidlər Xiyabanında torpağa tapşırılıb.
“44 günlük müharibədə də iştirak etmişdi. Şuşaya ilk girənlərdən biri idi. Atasız, anasız, qayğısız böyüdü”, - deyə şəhidin əmisi söyləyib.
