Şəhid Taleh Babayevin anası Quba Rayon Mərkəzi Xəstəxanasına (MXR) yerləşdirilib. Bu barədə ShimalNews 28 sentyabr tarixində məlumat verir.
Ötən gün, Anım Günündə Şəhidlər xiyabanında olarkən Bənövşə Mustafayevanın halı pisləşib. O, Təcili tibbi yardım maşını ilə Müalicə Diaqnostika Mərkəzinin Acil şöbəsinə çatdırılıb. Burada Bənövşə xanım müayinələrdən keçib. Müalicəsini davam etmək üçün o MRX-nin Terapiya şöbəsinə yerləşdirilib.
Hal-hazırda şəhid anasının vəziyyəti yaxşıdır.
Taleh Babayev 2 dekabr 1986-cı ildə Quba rayonunda anadan olub. Vətən müharibəsi zamanı döyüşlərdə igidcəsinə vuruşaraq 6 noyabr tarixində artilleriya atəşi nəticəsində şəhid olub.
Babayev ölümündən sonra "Vətən uğrunda", "Füzulinin azad olunmasına görə" və "Cəsur döyüşçü" medalları ilə təltif edilib.
Şəhidimizin 4 övladı Vətənə yadigar qalıb.
