Azərbaycan Respublikası Dini Qurumlarla İş üzrə Dövlət Komitəsinin (DQİDK) sədri cənab Ramin Məmmədovun müvafiq əmri ilə Quba şəhəri “Hacı Cəfər” məscidinə din xadimi təyin edilib.
Shimal.News-un məlumatına görə, Vüqar Məmmədbağır oğlu Bağırovun təqdimat mərasimi baş tutub.
Tədbirdə DQİDK-nin Quba-Xaçmaz regional bölməsinin nümayəndələri, Quba Rayon İcra Hakimiyyətinin, Qafqaz Müsəlmanları İdarəsinin (QMİ) məsul şəxsləri, yerli din xadimləri və dindarlarla yanaşı, Quba şəhər ictimaiyyətinin nümayəndələri də iştirak ediblər.
Təqdimatda çıxış edənlər Vüqar Bağırovun dini maarifləndirmə sahəsindəki təcrübəsindən bəhs edib, ona yeni vəzifəsində uğurlar arzulayıblar.
Qeyd olunub ki, bu təyinat məscid həyatında nizam-intizamın və dini fəaliyyətin daha da səmərəli təşkilinə xidmət edəcək.
