Qubada məktəblilər narkomaniya əleyhinə keçirilən tədbirə qatılıblar. Bu haqda ShimalNews 26 aprel tarixində məlumat verir.
“Gəncliyimizi narkomaniyadan qoruyaq” mövzusunda görüş Rayon Polis Şöbəsinin (RPŞ) təşkilatçılığı ilə rayonun 1 saylı tam orta məktəbində baş tutub. Tədbirdə RPŞ-nin əməkdaşları, məktəbin pedaqoji heyəti və yuxarı sinif şagirdləri iştirak ediblər.
Toplantıda çıxış edən RPŞ-nin rəis müavini polis polkovniki Vüsal Rüstəmov narkotiklərin qanunsuz dövriyyəsinin cəmiyyətə və insanların sağlamlığına vurduğu zərərlərdən ətraflı bəhs edib.
Sonda şagirdlərə narkomaniyanın fəsadlarından bəhs edən videoçarxlar nümayiş olunub.
