Quba rayonun Zərdabi qəsəbəsindəki parkın işıqlandırılması ilə bağlı yaranan nasazlıq mütəxəssislər tərəfindən araşdırılır. Texniki nasazlıq aradan qaldırıldıqdan sonra işıqlandırma bərpa ediləcək.
Bu cavab Quba Rayon İcra Hakimiyyəti tərəfindən Shimal.News-un gündəmə gətirdiyi məsələyə cavab olaraq bildirilib.
Sakinlərin şikayətinə görə, Zərdabi qəsəbəsində yerləşən park xeyli vaxtdır istifadəyə verilib. Lakin parkda axşam saatlarında tam qaranlıq hökm sürür. Burada quraşdırılan işıq dirəklərinin əksəriyyəti sınıqdır. İşlək vəziyyətdə olanlar isə artıq yanmır.
“Park axşam saatlarında zülmətə bürünür. Gecə vaxtı uşaqların və gənclərin təhlükəsiz hərəkəti üçün işıqlandırma çox vacibdir. Dəfələrlə şikayət etsək də, nəticə yoxdur,” – deyə sakinlər bildiriblər.
Rəsmi qurum məsələnin həlli istiqamətində araşdırma apardığını bildirib. Lakin 1 aydan çoxdur ki, heç bir nəticə yoxdur.
