Qubada “Fövqəladə halların xəbərdar edilməsi sahəsində koordinasiyanın təkmilləşdirilməsi” mövzusunda seminar keçirilib. Bu haqda ShimalNews 8 may tarixində məlumat verir.
Fövqəladə Hallar Nazirliyinin və Quba Rayon İcra Hakimiyyətinin birgə təşkilatçılığı ilə baş tutan tədbir Heydər Əliyev Mərkəzində keçirilib.
Seminarda RİH başçısının birinci müavini Tariyel İbrahimov, Fövqəladə Hallar Nazirliyinin Şimal Regional Mərkəzinin rəisi Fuad İlyasov, Fövqəladə Hallar Nazirliyinin və Şimal Regional Mərkəzinin digər məsul şəxsləri, rayonun idarə, müəssisə və təşkilat rəhbərləri, Rayon İcra Hakimiyyəti başçısının İƏD-lər üzrə nümayəndələri və bələdiyyə sədrləri iştirak ediblər.
