Quba RİH dövlət tərəfindən qorunan ərazidə aparılan tikinti işləri ilə bağlı məhkəməyə müraciət edib. Bu barədə ShimalNews 1 oktyabr tarixində quruma istinadən məlumat verir.
Mədəniyyət Nazirliyi, Quba İcra Hakimiyyəti, Quba rayon Polis Şöbəsi və digər qurumların reaksiyası nəticəsində Soyqırımı memorial kompleksinin yaxınlığındakı ərazidə aparılan qanunsuz tikinti işlərinin qarşısı alınıb. Burada görülən qazıntı işləri dayandırılıb və ərazi öz əvvəlki vəziyyətinə gətirilib.
Memorial kompleksinin yaxınlığındakı ərazi 1988-ci ildə “Spartak Peşəkar Futbol Klubu” MMC tərəfindən icarəyə verilib. İstifadə olunmayan həmin ərazi ayrı-ayrı şəxslər tərəfindən zəbt olunaraq burada tikinti və qazıntı işlərinə başlamışlar.
Hazırda ərazidəki vəziyyət İcra Hakimiyyəti tərəfindən nəzarətdə saxlanılır.
