Quba Rayon İcra Hakimiyyətinin başçısı vətəndaşların səyyar qəbulunu keçirib. Bu haqda ShimalNews 1 avqust tarixində məlumat verir.
Çiçi kəndində təşkil edilən görüşdə RİH başçısı İlqar Mahmudov, Polis Şöbəsinin rəisi, Rayon İcra Hakimiyyəti yanında İctimai Şuranın sədri, rayonun bütün idarə, müəssisə və təşkilatlarının rəhbərləri iştirak ediblər. Vətəndaşlar tərəfindən qaldırılan məsələlərin həlli məqsədilə aidiyyəti şəxslərə yerindəcə lazımi tapşırıqlar verilib.
Qəbuldan əvvəl icra başçısı aidiyyəti şəxslərlə birlikdə Çiçi kəndində yerləşən Şəhidlər abidəsini, daha sonra Birinci Qarabağ müharibəsi şəhidi Hikmət Məmmədovun büstünü ziyarət edib.
