Xaçmaz, Qusar, Şabran və Siyəzən rayon mərkəzi xəstəxanalarının şöbə müdirləri və məsul tibb heyətinin iştirakı ilə təlim keçirilib. Bu haqda ShimalNews 8 iyun tarixində məlumat verir.
Təqdimat Quba Rayon Mərkəzi Xəstəxanasında klinik protokolların praktikada tətbiqi mövzusunda keçirilib.
TƏBİB-nin Təlim və tədqiqatlar departamentinin Tədqiqatlar və protokolların tətbiqi şöbəsinin müdiri Kəmalə Ağayeva protokolların səhiyyə sistemində düzgün tətbiq edilməsinə nəzarətin təmin olunması ilə bağlı yeni mexanizmlərin hazırlanmasının vacibliyindən danışıb.
Bildirilib ki, bu sahədə diqqət beynəlxalq tövsiyələrə əsaslanan, adaptasiya olunmuş klinik protokolların praktik səhiyyədə tətbiqi, tətbiqinin əhəmiyyəti, klinik protokolların tətbiqi zamanı baryerlərin müəyyənləşdirilməsi və onların aradan qaldırılması istiqamətində tədbirlərin görülməsinə yönləndirilib.
