Quba, Qusar, Xaçmaz, Şabran, Siyəzən rayon mərkəzi xəstəxanalarının heyyəti egional müşavirə iştirak ediblər.
ShimalNews xəbər verir ki, Qubada yaradılan ilk Regional Travmatoloji Mərkəzin bir illik fəaliyyətinə həsr olunan tədbir keçirilib.
İlk söz ilə çıxış edən Quba Rayon Mərkəzi Xəstəxanasının (RMX) direktoru Əliyar Sərvərov konfransın məqsədlərindən, elmi-nəzəri plan və hədəflərindən danışıb, rəhbərlik etdiyi xəstəxanada son illər bu istiqamətdə həyata keçirilən yeniliklər barədə məlumat verib.
Daha sonra Quba Rayon Mərkəzi Xəstəxanasının fəaliyyətini və travmatoloji mərkəzdə icra olunan əməliyyatları özündə əks etdirən videoçarxlar nümayiş etdirilib.
Quba RMX-nın baş həkimi Əmir Əliyev bildirib ki, il ərzində mərkəzə 9500 ambulator və 362 stasionar olmaqla, ümumilikdə 9862 müraciət daxil olub. Göstərilən bu nəticənin qısa bir dövr üçün böyük nailiyyət olduğu xüsusi vurğulanıb.
Sonda müşavirədə qarşılıqlı fikir mübadiləsi aparılıb, bir sıra suallar cavablandırılıb.
