Qubada “Azərbaycan Respublikasında Pulmonar Hipertenziya ilə bağlı maarifləndirmə aparılıb. Bu haqda ShimalNews 10 fevral tarixində xəbər verir.
Təşkilati dəstək Tibbi Ərazi Bölmələrinin İdarəetmə Birliyi (TƏBİB), baş sponsorluq isə Paşa Holdinq Şirkətlər Qrupu tərəfindən təmin olunub.
Yerli mütəxəssislərin iştirak etdiyi təlimdə Pulmonar Hipertenziyanın yaranma səbəbləri, diaqnostikası, müasir müalicə metodları və digər mövzulara toxunulub və auditoriyanın sualları əsasında müzakirələr aparılıb.
Pulmonar Hipertenziya (PH) ağ ciyər arteriyasında təzyiqin artması ilə səciyyələnən proqressiv xəstəlikdir. Pulmonar Hipertenziya özündə müxtəlif kliniki vəziyyətləri birləşdirir və çox sayda respirator və karidiovaskulyar xəstəliklərin gedişatına təsir edir.
