Quba polis şöbəsinin əməkdaşı stronqmen Azərbaycan çempionatında qızıl və gümüş medal qazanıb. Bu barədə ShimalNews 27 mart tarixində məlumat verir.
Yarış martın 26-sı Bakıda baş tutub. Çempionatda ümumilikdə 70-dən artıq idmançı birincilik uğrunda yarışıb.
Polis serjantı Məhərrəm Qəhrəmanov 95 kq çəki dərəcəsində çıxış edib. O, “loglift” hərəkətində 95 kq qaldıraraq 1-ci olub. Sonra “deadlift” hərəkətini yerinə yetirib və əvvəlki ilə cəmdə 325 kq nəticə ilə 2-ci yer qazanıb.
