Moskva Məhkəməsi azərbaycanlı “qanuni oğru”nun qətlində təqsirləndirilən şəxsə hökm oxuyub. Bu barədə ShimalNews 27 dekabr tarixində Oxu.az-a istinadən məlumat verir.
Qərara əsasən, Quba rayonundan olan Mətləb Sultanov 16 il müddətinə azadlıqdan məhrum edilib.
Mətləb 2021-ci il aprelin 12-də, Moskvada yerləşən “Al Yelkən” elit yaşayış kompleksinin fitnes zalında Əli Heydərova (“Albert Rıji”) tapançadan bir neçə dəfə atəş açaraq öldürüb.
Rusiya mətbuatında yayılan digər məlumatlara görə, bu qətl “Lotu Quli”nin (əsl adı Nadir Səlifov. Cinayətkar aləmdə böyük nüfuza malik olub) öldürülməsinin qisası da ola bilər.
Bundan qabaq, 2008-ci ildə Mətləb Sultanovun, eləcə də bacısını öldürməsi, yeznəsinin isə qulağını kəsməsi məlumdur.
