Qubada yuxarı sinif şagirdləri ilə zərərli vərdişlərin fəsadları barədə danışılıb. Bu haqda ShimalNews 7 dekabr tarixində Səfərbərlik və Hərbi Xidmətə Çağırış üzrə Dövlət Xidmətinə (SHXÇDX) istinadən məlumat verir.
Heydər Əliyev Mərkəzində keçirilən konfransda Dövlət Xidmətinin əməkdaşları ilə yanaşı, bir sıra dövlət qurumlarının məsul şəxsləri, həmçinin İkinci Qarabağ müharibəsi şəhidi, Vətən Müharibəsi Qəhrəmanı Mehrab Niftəliyevin atası Söhrab Niftəliyev də iştirak ediblər.
Polkovnik-leytenant Füzuli İsmayılov və digər qonaqlar çıxışlarında gənclər arasında narkotik vasitələrin, psixotrop maddələrin və onların prekursorlarının dövriyyəsinə və narkomanlığa qarşı mübarizənin gücləndirilməsi haqda müzakirələr aparıblar.
Konfrans SHXÇDX-nin təşkilatçılığı, Quba Rayon İcra Hakimiyyətinin və Quba-Xaçmaz Regional Təhsil İdarəsinin dəstəyi ilə baş tutub.
