Quba rayon Rəhman Məmmədov adına Alekseyevka kənd tam orta ümumtəhsil məktəbi SAF 2025 Beynəlxalq STEAM Festivalında yüksək nəticə əldə edib.
Shimal.News xəbər verir ki, məktəbin 4 komandası festivalın müxtəlif kateqoriyalarında ümumilikdə 6 medal və əlavə olaraq 3 “Ən yaxşı mühəndislik dizaynı” nominasiyası üzrə mükafat qazanıb.
Mükafatlar aşağıdakı kimidir:
Ən yaxşı mühəndislik dizaynı nominasiyası - 1-ci yer
(Digər iki mühəndislik nominasiyası üzrə mükafatlar da məktəb komandalarına təqdim edilib.)
Robosoccer kateqoriyası - Sirius komandası, 3-cü yer
Fast and Furious kateqoriyası - Zəfər komandası, 3-cü yer
Engineering o Future kateqoriyası - Uğur komandası, 3-cü yer
Onu da qeyd edək ki, Beynəlxalq STEAM Azərbaycan Festivalı 2021-ci ildən etibarən hər il Azərbaycan Respublikası Elm və Təhsil Nazirliyinin dəstəyi və "STEAM Azərbaycan" layihəsinin təşkilatçılığı ilə həyata keçirilir. Festivalın keçirilməsində məqsəd STEAM əsaslı tədrisin təşviqi, təhsilalanlar arasında XXI əsr bacarıqlarının inkişaf etdirilməsi, yaradıcı təhsilalanların aşkara çıxarılması, eləcə də STEAM əsaslı yanaşmanın tətbiqi ilə ətraf mühitin sağlamlaşdırılması, su ehtiyatlarından və alternativ enerji mənbələrindən səmərəli istifadəyə dair innovativ həll və layihələrin hazırlanmasının təşviq edilməsidir. STEAM təhsil metodu 5 əsas disiplinin birləşik şəkildə təşkilidir. Elm (Science), Texnologiya (Technology), Mühəndislik (Engineering), İncəsənət (Art), Riyaziyyatın (Math) birgə və inteqrasiya olunmuş şəkildə tədris etmək ideyası üzərində qurulub.
