Quba rayonunda “Peşəmizi tanıdaq” adlı tədbir keçirilib. Bu haqda ShimalNews 24 dekabr tarixində Quba Destinasiya Menecmenti Təşkilatına istinadən məlumat verir.
“Peşə ayı” çərçivəsində təşkil edilən tədbir Rəhman Məmmədov adına Alekseyevka kənd tam orta məktəbində baş tutub. Tədbirdə Quba DMT-nin direktoru, məktəbin direktoru, dövlət qurumlarının nümayəndələri və digər şəxslər iştirak ediblər. Qonaqlar müzakirələr apararaq hotellər, restoranlar və digər turizm müəssisələri ilə əlaqə yaratmalarına hazır olduqlarını bildiriblər.
Tədbirin sonunda şagirdlərin əl işləri olan sərgiyə baxış keçirilib.
