Qubada “Ləzgihəngi” pyesinin bəstəkarının yubileyi ilə əlaqədar tədbir keçirilək. Bu haqda ShimalNews 16 dekabr tarixində sosial şəbəkələrə istinadən məlumat verir.
Rauf Hacıyevin 100 illik yubileyinə həsr edilən "Təkrarsız musiqilərin unudulmaz bəstəkarı" adlı tədbir bu gün saat 15:00-da Quba rayon Mərkəzləşdirilmiş Kitabxana Sisteminin mərkəzi kitabxanasının oxu zalında baş tutacaq.
Azərbaycan Respublikasının və SSRİ-nin Xalq artisti, görkəmli bəstəkar “Sevgilim”, “Mənim Azərbaycanım”, “Lirik mahnı”, “Bahar gəlir”, “Sevimli şəhər”, “Bakı haqqında mahnı”, “Leyla”, “Neft daşlarında”, “Ceyran” və i.a. əsərlərin müəllifidir. Dahi bəstəkar Üzeyir Hacıbəyov Rauf Hacıyevlə il yarım məşğul olub. Bu ərəfədə Rauf “Samur”, “Mingəçevir”, “Gənclik marşı” mahnı bəstələyib.
R.Hacıyev, həmçinin “Əhməd haradadır?”, “Mən rəqs edəcəyəm”, “Bir qalanın sirri”, “Kölgələr sürünür”, “Qara daşlar” və s. filmlərə musiqi yazıb.
