Quba ərazisində qanunsuz yolla ağac kömürü istehsal edilən kömür quyuları aşkar olunub. Bu haqda ShimalNews 17 may tarixində məlumat verir.
Nəzarət tədbirləri Dövlət Ekoloji Təhlükəsizlik Xidmətinin əməkdaşları tərəfindən keçirilib. Araşdırma zamanı qanunsuz kömür istehsal edən şəxslərin Xanəgah kənd sakini Ramazan Quliyev, Rustov kənd sakini Orxan Bayramov, Bad kənd sakinləri Heydər İsrafilov və Umud Balakişiyev olduqları müəyyən edilib.
Faktlarla bağlı qanunsuz kömür istehsal edən şəxslər barəsində akt tərtib olunub, kömür quyuları isə ləğv edilib.
