Quba şəhəri Azad Məmmədov adına 2 nömrəli təbiət fənləri təmayüllü məktəb-liseyin V siniflər üzrə istedadlar sinfinə qəbul imtahanı keçirilib. Bu barədə ShimalNews 29 iyul tarixində məlumat verir.
Qəbul iyulun 28-də Quba-Xaçmaz Regional Təhsil İdarəsi tərəfindən təşkil olunub. Burada 136 nəfər şagird iştirak edib. İmtahan Azərbaycan dili, riyaziyyat fənləri və məntiq üzrə keçirilib.
Şagirdlərə ümumilikdə 45 qapalı test tapşırığının cavablandırılması üçün 90 dəqiqə vaxt verilib.
