Quba şəhər Ümumi təyinatlı internat tipli ümumtəhsil məktəbində bayram tədbiri keçirilib. Bu haqda ShimalNews 28 dekabr tarixində Rayon İcra Hakimiyyətinə istinadən məlumat verir.
31 Dekabr - Dünya Azərbaycanlılarının Həmrəylik Günü və Yeni il bayramı münasibətilə təşkil edilmiş mərasimdə azyaşlıları təbrik edib, onlara bayram hədiyyələri təqdim ediblər.
Tədbirdə RİH başçısının müavini Səidə Abasova, Rayon İcra Hakimiyyətinin məsul şəxsləri və Quba-Xaçmaz Regional Təhsil İdarəsinin Quba rayonu üzrə Təhsil sektorunun müdiri Pərviz Nurməmmədov iştirak ediblər.
