Qubada gənclər üçün "Media savadlılığı və gənclər" təlimi keçirilib. Bu haqda ShimalNews 26 noyabr tarixində Quba GİKM-yə istinadən məlumat verir.
Ümumdünya İnformasiya Günü ilə əlaqədar təşkil edilən tədbirin məqsədi yeniyetmələrə doğru xəbəri saxta xəbərdən ayırmağın üsullarını müəyyən etdirmək olub. GİKM əməkdaşı Eyvaz Xeyrullayev gəncləri Azərbaycanda media savadlılığı, saxta xəbərlər və dezinformasiya, media müxtəlifliyi və mediada qərəzlilik mövzuları haqqında ətraflı məlumatla tanış edib.
Daha sonra gənclər əldə etdikləri bilikləri interaktiv formada tətbiq edərək saxta və yalan xəbərləri, eləcə də qərəz formalarını aşkar etməyin və onlara qarşı mübarizə aparmağın yollarını təcrübədə öyrəniblər.
