Quba Destinasiya Menecmenti Təşkilatı (DMT) Turizm İşçiləri Günü ilə bağlı tədbir həyata keçirib. Bu barədə ShimalNews 30 sentyabr tarixində təşkilata istinadən məlumat verir.
Tədbiri DMT-nin direktoru giriş sözü ilə açıb və turizm sahəsində çalışanları təbrik edib. Onların gələcək fəaliyyətlərində uğurlar arzulanıb.
Daha sonra iştirakçılara təşkilatın fəaliyyət istiqamətləri, iş prinsipləri və həyata keçirilən layihələrlə bağlı məlumat verilib. Eyni zamanda 8 kənd üzrə hazırlanan videolar izlənilib.
Tədbir zamanı, həmçinin Quba DMT-nin təlim-tədris üzrə mütəxəssisi “Turizm nədir?” adlı təqdimatla, “Macara Lake Park” hotelinin qeydiyyat şöbəsinin meneceri isə “Hotelçilik və qeydiyyat şöbəsi” mövzusunda çıxış ediblər.
