Qubada məktəblilərlə narkomaniya mövzusunda maarifləndirici görüş baş tutub. Bu barədə ShimalNews 25 fevral tarixində DİN-nin Mətbuat Xidmətinə istinadən məlumat verir.
Tədbir Atuc kənd tam orta məktəbində keçirilib. “Narkomaniyanın sosial təhlükəliliyi və doğurduğu fəsadlar" mövzusunda təşkil edilən görüşdə polis əməkdaşları, məktəbin pedaqoji heyəti və şagirdlər iştirak ediblər.
RPŞ-nin polis polkovnik- leytenantı Elman İsmayılov və kapitanı Samir Aydəmirov gənclərə dövrümüzün ağır bəlası olan narkomaniyanın zərərlərindən, insan sağlamlığı üçün təhlükələrindən danışıblar. Sonda onlar məktəbliləri maraqlandıran sualları cavablandırıblar.
Tədbir Quba Rayon Polis Şöbəsinin təşkilatçılığı ilə keçirilib
