Dağ yəhudiləri Vətən müharibəsi zamanı şəhid olan hərbi qulluqçuların ailələlərini ziyarət edəcəklər. Bu barədə ShimalNews 26 sentyabr tarixində Bizim.media-ya istinadən məlumat verir.
Quba RİH başçısının Qırmızı Qəsəbə İnzibati Ərazi Dairəsi üzrə nümayəndəsi Telman Mixailov 27 sentyabr - Anım Günü ilə bağlı açıqlama verib:
“Qırmızı Qəsəbə nümayəndəliyinin Vətən müharibəsində 3 şəhidi var. Yaşar Xudayev Dağlı kəndindən, Əli İbrahimov və Aydəmir Hacıyev isə Qırmızı Qəsəbədəndirlər. Anım Günündə şəhid ailələri ziyarət olunacaq, Quba Şəhidlər xiyabanında bütün şəhidlərimizi hörmətlə yad edəcəyik. Bizə tarixi qələbəni gətirən şəhidlərimizin ruhu Qırmızı Qəsəbədə hər evdə ehtiramla anılacaq”.
