Qubada tanınmış Azərbaycan şairi Cəlaləddin Budatoğlunun (Cəlaləddin Mirzağa oğlu Məmmədovun) 70 illik yubileyi ilə əlaqədar tədbir keçirilib. Bu haqda ShimalNews 22 dekabr tarixində məlumat verir.
Tədbir Quba Tarix-Diyarşünaslıq Muzeyində təşkil olunub. Burada icra başçısının müavini Səidə Abasova, Quba-Xaçmaz Regional Mədəniyyət İdarəsinin Quba rayonu üzrə nümayəndəsi Fuad Orucov, Azərbaycan Yazıçılar Birliyinin Quba Bölməsinin sədri Ramiz Qusarçaylı, RİHB aparatının məsul şəxsləri, Rayon Ağsaqqallar Şurasının sədri, RİH yanında İctimai Şuranın sədri, elm adamları, şairlər, ictimai fəal insanlar, gənclər, tələbələr və rayon ictimaiyyətinin nümayəndələri iştirak ediblər.
Çıxış edən natiqlər şairə yeni-yeni yaradıcılıq uğurları arzulayıblar. Şairə hədiyyə təqdim edilib.
Tədbir ədəbi-bədii kompozisiya ilə davam edib.
