Bu gün Vətən müharibəsində qəhrəmanlıq göstərən şəhid Ruslan Bayramovun doğum günüdür. Bu barədə ShimalNews 5 oktyabr tarixində məlumat verir.
Ruslan 1995-ci ildə Əlibəyqışlaq kəndində anadan olub. Cəmşid Naxçıvanski adına hərbi liseyi və Heydər Əliyev adına Azərbaycan Ali Hərbi Məktəbini bitirib.
Döyüşlərin birində tağım komandiri yaralandığından rəhbərlik Ruslana həvalə edilib. Göstərdiyi şücaətə görə elə döyüşdə baş leytenant rütbəsini alıb.
Şəhidimiz döyüşlərə Xüsusi Təyinatlı Qüvvələrin tərkibində qatılıb. Hadrutun və Xocavəndin ətrafındakı yüksəkliklərin alınmasında iştirak edib. Şuşanın alınması uğrunda döyüşlərdə isə snayper gülləsinə tuş gəlib. Ölümündən sonra “Vətən uğrunda” medalı ilə təltif edilib.
