Qubada həmkəndlisini öldürməyə cəhd etməkdə şübhəli bilinən şəxs saxlanılıb. Bu barədə ShimalNews 7 fevral tarixində Baş Prokurorluğa istinadən məlumat verir.
Rayon prokurorluğuna daxil olan məlumata əsasən, fevralın 6-sı, saat 22:00 radələrində Aşağı Atuc kəndi ərazisində 32 yaşlı Hikmət Ağayev xəsarət alıb.
Araşdırma zamanı Ağayevə bıçaqla xəsarətlər yetirərək öldürməyə cəhd etməkdə şübhəli bilinən 21 yaşlı Təbriz Hacıyev cinayət məsuliyyətinə cəlb edilib.
Faktla bağlı qəsdən adam öldürməyə cəhd maddəsi ilə cinayət işi başlanıb.
