Qubanın şaxtalı qışı bu dəfə təkcə küçələri yox, əməkhaqqı gözləyən fəhlələrin də ümidini dondurub. Bələdiyyə fəhlələri 5 aydır maaş gözləyirlər.
İşçilər Shimal.News-a bildiriblər ki, sabiq bələdiyyə sədri Humayə Məmmədova onları işlədərək qışın ortasında çöldə qoyub. Onlar hər səhər əməkhaqqlarını almaq ümidilə oyanıb, hər axşam naəlac vəziyyətdə evlərinə dönürlər.
Məsələ ilə bağlı Quba-Xaçmaz Regional Əmək Müfəttişliyinə edilən şikayətlərə baxılmır. Buna görə də fəhlələr yeni bələdiyyə sədri Allahverdi Xudaverdiyevin onların problemini həll edəcəyinə ümid edirlər.
