Qubada yetkinlik yaşına çatmayanlara tütün məmulatları satılması faktı aşkar edilib. Bu haqda ShimalNews 15 dekabr tarixində DİN-in Mətbuat Xidmətinə istinadən məlumat verir.
Polis əməkdaşlarının rayon ərazisində keçirdikləri tədbirlər nəticəsində bir neçə mağazada satıcıların qanuna riayət etmədikləri məlum olub.
Həmin satıcılar barəsində İnzibati Xətalar Məcəlləsinin 455.2-ci maddəsinə əsasən (Etil (yeyinti) spirti, alkoqollu içkilərin və ya tütün məmulatlarının yetkinlik yaşına çatmayanlara satılmasına görə), inzibati tənbeh tədbiri tətbiq olunub.
Bu istiqamətdə tədbirlər davam etdirilir.
