Qubada qızlar arasında voleybol birinciliyi start alıb. Bu haqda ShimalNews 25 iyul tarixində məlumat verir.
Olimpiya İdman Kompleksində baş tutan idman tədbiri Gənclər və İdman Nazirliyinin yaranmasının 30 illik yubileyinə həsr olunub. Birinciliyin açılışında Quba-Xaçmaz Regional Gənclər və İdman İdarəsinin rəis müavini Mustafa Nuhbalayev, Quba Regional "ASAN xidmət" Mərkəzinin nümayəndəsi Səadət Fərzəliyeva, Gənclərin İnkişaf və Karyera Mərkəzinin Quba-Xaçmaz Regional nümayəndəliyinin əməkdaşı Eyvaz Xeyrullayev, məşqçilər və idmançılar iştirak ediblər.
Yarışda gənc qızlardan ibarət 8 komanda mübarizə aparır. Birincilik 26 iyul 2024-cü il tarixinədək davam edəcək.
