Quba şəhər Tələt Mikayılov adına 5 nömrəli tam orta məktəb öz fəaliyyətini yalnız tam orta təhsil səviyyəsi (X-XI siniflər) üzrə davam etdirəcək.
ShimalNews xəbər verir ki, Quba-Xaçmaz Regional Təhsil İdarəsinin məlumatına görə təhsil müəssisəsində dərslər təmayül tədris planları əsasında təşkil ediləcək.
Məktəbin yenidən təşkil edilməsində məqsəd ümumi orta təhsil səviyyəsini bitirmiş şagirdlərə növbəti təhsil səviyyəsində keyfiyyətli təhsil imkanlarını təmin etmək, onlar üçün daha uyğun sosial-psixoloji mühit yaratmaqdır.
Məktəbə şagirdlərin qəbul qaydaları və digər zəruri məlumatlar haqqında əlavə məlumat yaxın zamanda ictimaiyyətə təqdim ediləcək.
