Qubadan olan xilasedicilər Türkiyəyə yola düşüblər. Bu haqda ShimalNews-a 7 fevral tarixində məlumat daxil olub.
Ötən gün səhər saatlarında Türkiyə Respublikasında baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə 420 nəfərlik xilasedici və 52 nəfərlik tibbi heyət göndərilib. Bundan əlavə, 44 nəfər Qubada yerləşən Mülkü müdafiə qoşunlarının N saylı hərbi hissəsindən ezam edilib.
7,4 bal gücündə olan təbii fəlakət nəticəsində hal-hazırkı məlumata əsasən,3549 nəfər həlak olub, 22.168 nəfər isə yaralıdır. Zəlzələ baş vermiş 10 vilayətdə 3 ay müddətinə fövqəladə vəziyyət elan olunub.
