Şimal bölgəsində axşam saatlarından başlayan qar yağışı davam edir.
Ən çox qar Quba rayonunun Qırız kəndinə yağıb. Kənddə qarın hündürlüyü 20 santimetrə çatır.
AZƏRTAC-ın məlumatına görə, fevralın 6-dan başlayaraq Quba, Qusar və Xızı rayonlarının dağlıq ərazilərinə qar yağıb.
Qusar şəhərində 3 santimetr, Xızının Altıağac qəsəbəsində 9 santimetr, Qubanın Xaltan kəndində isə 10 santimetr qar qeydə alınıb.
Qarın yağması ilə əlaqədar temperatur mənfi 8 dərəcəyədək düşüb. Ən aşağı temperatur Qubanın Qırız kəndinə qeydə alınıb.
